Manapay

Makalikha ng buhay
sa mga panaginip
na hinigaan mong magdamag

Makasaksi ng mundo
na mas makulay pa
sa telebisyon ng sala mo

Di ba't ito ang mga pangarap mong
isinulat sa iyong utak
iniukit sa iyong dibdib saka
ipinusta kay balang araw?

Sawa na ako sa bunganga mo.
Parang habag mo na,

Lumipad ka
di lang sa hangin
kundi dahil marunong kang kumampay
Tumakbo ka
di lang sa takot
pero sa nais mong makaalis

Wag ka ng magpaalam
Manapay lumarga ka na

At, tang loob,
Wag mo ng lingunin ang sopa ko.